Dokumentu honetan, 2021ean eta 2022an praktikan jarri dugun ZAINTZA ERDIGUNEAN JARRIKO DUTEN LAN ETA AKTIBISMO EREDUAK prozesutik ateratako ideia eta aurkikuntza batzuk aurkeztuko dizkizuegu. Prozesu honen bitartez, Medellingo eta Gasteizko zenbait antolakunderen ikaskuntzak lotu ditugu, bizitzarako jasangarriagoak diren lan eta aktibismo ereduen eraikuntzan. Autozainketa, autobabesa eta zaintza antolatua bezalako kontzeptuetan sakondu dugu eta maila indibiduala, kolektiboa eta harremanetakoa landu ditugu teoriatik zein praktikatik.