Unitate didaktiko honetan, Zaintzak plazara! Visibilicemos los cuidados!, zaintzei buruzko esku hartze feminista bat proposatu nahi dugu hezkuntzaren arloan. Parte hartzea, bizipenen bidezko ikasketa, jolasa, sormena, ikus-entzunezkoak eta testuak erabiliko ditugu, eta, horien guztien bidez, galderak luzatuko dizkiegu ikasleei, adibidez, zergatik ezkutatzen ditugun zaintza lanak, zeinek egiten dituen halako lanak gure inguru hurbilean eta, beren iritziz, ea zergatik banatzen ote diren halako lanak generoaren arabera.